Mwigulu Aliamsha Dude Jangwani....Yalioandikwa Kwenye Magazeti Ya Michezo Leo Jumanne January 9 2018
Monday, January 8, 2018
Tambwe Arejeshwa Dar Kwa Matibabu
MSHAMBULIAJI wa Yanga, Mrundi Amissi Joselyn Tambwe amepanda boti mchana huu visiwani Zanzibar kurejea Dar es Salaam kwa ajili ya matibabu.
Daktari wa Yanga SC, Edward Bavu amesema leo kwamba Tambwe amelazimika kuondoka kambini mjini Zanzibar kurejea Dar es Salaam kwa ajili ya matibabu zaidi ya Malaria.
“Ana Malaria, kwa siku zaidi ya nne sasa amekuwa na wakati mgumu, tumelazimika kumrejesha Dar es Salaam ili apatiwe matibabu zaidi,” amesema Dk. Bavu
Tambwe anaondoka wakati Yanga SC leo inateremka Uwanja wa Amaan, Zanzibar kumenyana na Singida United kuanzia Saa 2:15 usiku.Mrundi huyo amekuwa katika msimu mgumu, akianza kukaa nje tangu Agosti kutokana na maumivu ya goti kabla ya kurejea Desemba, lakini mapema Januari hii tena anaondolewa kambini kwa sababu ya Malaria.
Na hii inazidi kuipunguzia nguvu safu ya ushambuliaji ya Yanga kipindi hiki ambacho inawakosa wakali wake wengine wazoefu, Mzimbabwe Donald Ngoma na Mzambia, Obrey Chirwa.
Yanga sasa itaendelea kumtegemea Ibrahim Ajib pekee katika washambuliaji wazoefu kwenye hatua iliyobaki ya Kombe la Mapinduzi – zaidi ya hapo ni chipukizi akina Yohanna Oscar Nkomola, Juma Mahadhi na Matheo Anthony.
Kamusoko Aendelea Na Mazoezi Dar, Moja Ya Kazi Ni Kupunguza Uzito
Kiungo Thabani Kamusoko ameendelea na mazoezi ya kurudi fiti ikiwa ni pamoja na kupunguza uzito.
Kamusoko ambaye alianza mazoezi taratibu wakati Yanga ikijiandaa na kwenda katika michuano ya Mapinduzi, moja ya sharti alilopewa ni kupunguza uzito.
"Kamusoko yuko Dar es Salaam, anaendelea na mazoezi mbalimbali yakiwemo ya kupunguza uzito, tukirejea tunaweza kuungana naye," alisema mmoja wa viongozi.
Kiungo huyo amekuwa nje ya uwanja kwa takribani miezi miwili na ushee akiuguza maumivu ya goti lake.
Masikini Aveva; Hali Yake Si Nzuri, Juhudi Zafanyika Kumhamishia Muhimbili Kwa Matibabu Zaidi
Masikini Mwenyekiti wa Simba! Maana hali ya afya ya Rais wa Simba, Evans Aveva bado siyo nzuri kwani jana jioni ndugu na marafiki wa karibu walikuwa kwenye mipango ya kumhamishia Hospitali ya Muhimbili.
Aveva jana alikimbizwa kwenye Hospitali ya Temeke, Dar baada ya hali yake kubadilika akiwa mahabusu kwenye Gereza la Keko.
Aveva na makamu wake, Geofrey Nyange ‘Kaburu’, wanakabiliwa na tuhuma za kughushi nyaraka za klabu hiyo na kutakatisha dola 300,000 (zaidi ya Sh 650 milioni) na wamekuwa rumande tangu Juni 29, mwaka jana.
Taarifa zinaeleza, familia na marafiki wa Aveva walikuwa na mazungumzo na Jeshi la Magereza kwa ajili ya kuomba uhamisho wa hospitali kutokana na aina ya matibabu anayoyapata Hospitali ya Temeke.
Mtoa taarifa huyo alisema, rais huyo anahitaji kupatiwa matibabu mazuri yatakayoendana na ugonjwa ambao ni siri ili apate nafuu arejee katika hali yake ya kawaida.
“Aveva jana (juzi) asubuhi hali yake ilibadilika na kusababisha akimbizwe kwenye Hospitali ya Temeke kwa ajili ya kupata matibabu ya afya yake.
“Lakini wakati akiendelea na matibabu Temeke, baadhi ya ndugu na marafiki wamejaribu kuliomba Jeshi la Magereza kwa ajili ya kupata ruhusa ya kumhamishia Hospitali ya Muhimbili kwa ajili ya kupata matibabu mazuri,” alisema mtoa taarifa huyo.
Alipotafutwa Kaimu Makamu wa Rais wa timu hiyo, Idd Kajuna kuzungumzia hilo, simu yake ya mkononi haikuwa ikipokelewa, lakini alipotafutwa Mkuu wa Kitengo cha Habari na Mawasiliano wa timu hiyo, Hajji Manara kuzungumzia hIlo, alisema: “Mimi nipo Zanzibar sifahamu chochote kuhusiana na taarifa hizo, naomba waulize watu waliopo Dar.”
SOURCE: CHAMPIONI
Coutinho Huyu Hapa Akitambulishwa Rasmi Fc Barcelona
MISIMU YAKE LIVERPOOL:
2012-13 13 games, 3 goals
2013-14 37 games, 5 goals
2014-15 52 games, 8 goals
2015-16 43 games, 12 goals
2016-17 36 games, 14 goals
2017-18 18 games, 12 goals
Timu Tatu Zamuibukia Ronaldo Madrid
Cristiano Ronaldo.
STAA wa Real Madrid, Cristiano Ronaldo inasemekena amepokea ofa kutoka klabu tatu za Ulaya. Real Madrid ilipokea ofa tatu, wiki iliyopita na kumpelekea Cristiano Ronaldo.
Hata hivyo, haijawekwa wazi mara moja majina ya klabu zilizokuwa zimetoa ofa hizo. Taarifa zaidi zinasema kuwa klabu moja maarufu ilikuwa tayari kuandaa ofa ya kufa mtu ili kumnasa mchezaji huyo bora wa dunia.
Katika siku za karibuni kumekuwa na maneno kuwa Ronaldo ameuomba uongozi wa Real Madrid umruhusu kuondoka katika klabu hiyo.
Uongozi wa Real Madrid, hata hivyo, umegoma kumruhusu Ronaldo ahame na badala yake wanamwandalia mkataba mpya.
TANZIA: Beki Wa Zamani Wa Yanga Na Taifa Stars, Jogoo Afariki Dunia
TANZIA: Beki wa kati(Sentahafu) wa zamani wa Klabu ya Yanga na Timu ya Taifa(Taifa Stars), Athuman Juma Chama maarufu kama Jogoo amefariki asubuhi ya leo,
Mchazaji huyo amefariki katika Hospitali ya Taifa Muhimbili alikokuwa akipatiwa matibabu ya ugonjwa wa presha na kupooza
=====
Athuman Chama Jogoo ni nani?
Alianza kucheza soka akiwa mdogo, mwenyewe anasema alipenda kucheza namba mbili na namba nne tangu akiwa na umri mdogo.
Akiwa mtoto wa kwanza kati ya watano kwenye familia yao, Chama alichezea timu mbalimbali kabla ya kujiunga na Pamba United ya Mwanza.
“Hii ilikuwa ni timu ya mkoa nilikozaliwa na kukulia huko, ninakumbuka siku moja tulikuwa na mechi, baada ya ile mechi aliyekuwa Katibu wa Yanga wakati huo, Issa Makongoro alinifuata na kunishawishi nikacheze Yanga.
“Kiukweli, nilikuwa shabiki mkubwa wa Yanga, Makongoro aliponifuata sikutaka kujivunga, nilikubali moja kwa moja kujiunga na klabu hiyo, ndipo mwaka 1981 nilisajiliwa rasmi Yanga, lakini si kwa fedha bali mapenzi niliyokuwa nayo dhidi ya timu hiyo,” anasimulia.
Akizungumza kwa taratibu, Chama anasema alicheza Yanga kwa miaka zaidi ya 10 lakini wakati huo walicheza kwa mapenzi zaidi na walicheza kwa moyo ikilinganisha na wachezaji wa sasa.
Kikosi cha kwanza cha Yanga waliocheza na Chama miaka ya 1983 na 1985 ni; Joseph Fungo, Yusuf Bana, Ahmed Amasha ‘Mathematician’, Athumani Juma Chama ‘Jogoo’, Isihaka Hassan Chuku, Juma Mukambi ‘Jenerali’, Hussein Iddi, Charles Boniface Mkwasa, Abeid Mziba ‘JJ Masiga’, Elisha John na Ali Mchumila.
Pia walikuwepo; Makumbi Juma ‘Homa ya jiji’, Omari Hussein ‘Keegan’, Juma Kampala na wengine wengi.
Apachikwa jina la Jogoo
Wakati wa michuano ya Kombe la Chalenji mwaka 1981, kulikuwa na mchezaji mmoja wa Harambee Stars ya Kenya, Sammy Onyango ‘Jogoo’. Alikuwa makini sana katika ngome.
Alikuwa na uwezo wa kukabiliana na washambuliaji mbalimbali hasa katika ukanda wa Afrika Mashariki.
Baada ya mashindano yale ya 1981 ambayo pia kulikuwa na mtu aliyekuwa akiitwa Ambroce Ayoi ‘Golden Boy’ wengi waliufananisha uwezo wa Sammy Onyango na Athumani Juma Chama na taratibu jina likafika kwa mwenyewe.
“Nilipewa na mashabiki hili jina ninajua kutokana na umahiri wangu wa kukaba. Si unajua jogoo anavyokaba (anatabasamu).
“Nilipolisikia kwanza nililikubali lakini sikuishia hapo, niliwafuata baadhi ya mashabiki na wanachama na kuwauliza, kwanini wameniita Jogoo. Wakaniambia majina yote wanayoyafikiria kunipa hayatoshi, lakini Jogoo ndilo linalonifaa kutokana na uhodari wangu wa kucheza soka, nililiridhia jina hilo na kiukweli nililipenda.
Chama na Mogella
Chama na Mogella…..Chama na Mogella. hii ni kumbukumbu ambayo Chama ameiacha kwenye soka la Tanzania wakiwazungumzia, aliyekuwa mshambuliaji wa Simba, Zamoyoni Mogella na beki huyo wa Yanga (Chama).
Itakumbukwa Yanga walitishika na soka ya Mogella katika moja ya mechi za watani, ndipo waliamua kumwekea ulinzi mkali, wa Athumani Juma Chama ambaye aliambiwa popote anapokwenda Mogella awe naye.
Chama alifanya kazi yake, basi ikawa kazi moja, Chama na Mogella kiasi cha Mogella kuumia na kufanyiwa huduma ya kwanza, Mogella alifunga bandeji mfano wa ‘lumundi’ kichwani na kurudi uwanjani, hata hivyo Mogella hakutikisa nyavu siku hiyo.
“Namkumbuka sana Zamoyoni Mogella, sijui huyu rafiki yangu huyu kwa sasa yuko wapi?,” anasema huku akionyesha tabasamu hafifu na kuendelea.
Anasema: “Sijisifu lakini nilikuwa beki kisiki, hakuna mshambuliaji aliyekuwa akipita kwangu, Mogella mwenyewe ambaye alikuwa mshambuliaji mashuhuri wa Simba, kwangu hakufua dafu, kazi yangu likuwa moja tu ‘kum block’ asipite na kweli nilimdhibiti.
Hata hivyo, Chama anasema: “Nilicheza mpira na sikuwahi kumtoa kovu Mogella, mimi nilikuwa nikicheza mpira bhana.”
Spoti Mikiki iliwahi kuzungumza na Zamoyoni Mogella ambaye alisema ingawa wengi wanajua Chama ndiye pekee aliyekuwa akimpa wakati mgumu Mogella uwanjani hasa mechi ya Simba na Yanga, lakini mwenyewe aliwataja pia Yusuf Ismail Bana, Allan Shomari na Isihaka Hassan Chuku kwamba nao walikuwa wakimuumiza kichwa
Maisha baada ya soka
Chama anasema, alistaafu soka mwaka 1990 baada ya kuitumikia Yanga kwa miaka 10.
Anasema baada ya kustaafu aliendelea kufanya biashara zake ndogo ndogo kabla ya kuugua mwaka 2014 na kushindwa kufanya chochote hadi sasa.
Alivyoanza kuumwa
“Ninakumbuka ilikuwa ni Oktoba 2014, nikiwa katika mihangaiko yangu ya maisha, nilianguka barabarani, nikapewa msaada wa kupelekwa Hospitali ya Temeke na wasamaria wema, baada ya vipimo, niliambiwa nina presha na stroke,” anasema Chama ambaye anahitajika umakini wa hali ya juu na utulivu ili kumuelewa kutokana na namna anavyozungumza kwa taabu.
Anasema ugonjwa huo ulisababisha kushindwa kutembea, mdomo kwenda upande na kushindwa kuongea, maisha yake yakabaki kuwa ya hospitali na yeye, yeye na hospitali kwa siku 700.
“Nilikuwa mtu wa kubebwa na kufanyiwa kila kitu, ndiyo maana kauli yangu ya kwanza nilikwambia mwanangu mwache Mungu aitwe Mungu, ilifikia mahali nikazushiwa nimefariki na baadhi ya vyombo vya habari (sio Mwananchi) vikaripoti nimekufa.
“Watu walijaa nyumbani kwangu wakiamini nimefariki, familia ilipata wakati mgumu mno, lakini namshukuru Mungu kwa hatua niliyofikia, kwa ushirikiano wa wanafamilia ambao walichangishana ili kuhakikisha afya yangu inaimarika japo si kwa vile ambavyo inatakiwa,” anasema.
Ugonjwa wa kupooza
Dk Samwel Shita anasema ugonjwa huo una vyanzo vingi lakini mara nyingi huwapata watu ambao wana mafuta mabaya mwilini.
“Mara nyingi shinikizo la damu, sukari au unene uliopitiliza vinachangia kuharibika kwa mishipa ya damu. “Hali hii inachangia mishipa ya damu kufunga, ubongo unakosa hewa na kusababisha kiharusi ambacho husababishwa na mishipa ya damu ya ubongo kuziba,” anasema Dk Shita ambaye pia ni mchambuzi wa masuala ya afya kwenye gazeti hili.
Anavyowaona mabeki wa sasa
“Kwa sasa sioni beki kabisa, watoto wanachezacheza tu na kuangalia fedha wanacheza soka ya shule sio profeshno…enzi zetu kulikuwa na vipaji vya mpira kweli kweli, lakini si sasa,” anasisitiza kwa ishara ya kugonga mkono licha ya sauti yake kuonekana kufifia kutokana na kuzungumza muda mrefu na kwa tabu.
Chama anawataka wachezaji wa Tanzania kuonyesha kuwa wanaheshimika kwa kucheza kwa nguvu, kujituma na kuonyesha kuwa kweli wanafikra za kufika mbali.
Hali ya Chama
Waliomshuhudia Chama enzi zake, ni wazi wanamtambua uwezo wake uwanjani wakati huo akiitumikia Yanga na Taifa Stars.
Wakati ninajiandaa kuondoka nyumbani kwa Chama baada ya mazungumzo na mahojiano mafupi, niliingiwa na hofu juu ya hali yake na kujikuta nikipata kigugumizi wakati wa kuaga ili nipate kuondoka.
Chama anayeonekana mtu mcheshi lakini hali ya ugonjwa imemrudisha nyuma, alijitahidi kuonyesha tabasamu hafifu na kuzidi kuzungumza kwa tabu akisema: “Hatua niliyofikia ninajiona nimepona ukilinganisha na nilikotoka.
“Mbali na Mungu na madaktari, ninaishukuru familia yangu kwa hatua hii, ilijichangisha na inaendelea kufanya hivyo ili nipate matibabu.
“Ninaendelea na dozi yangu, ninaamini kwa uwezo wa Mungu nitaimarika na kurejea kwenye uzima kama ilivyokuwa zamani,” anaongeza Chama.
Mogella amzungumzia Chama
Akimzungumzia Chama, mshambuliaji wa zamani wa Simba, Zamoyoni Mogella anasema enzi wakicheza soka, beki huyo alikuwa kisiki.
“Nikiwa Simba, yeye akiwa Yanga, tuliweka rekodi, Chama alikuwa beki mwenye kipaji, anajua nini anachokifanya lakini pia naweza kusema alikuwa msaada mkubwa Yanga na Taifa Stars,” anasema Mogella na kuongeza.
“Kwa kipaji cha Chama, kama ndiyo angekuwa akicheza soka hivi sasa, naamini angekuwa mchezaji mkubwa Ulaya, sema zamani tulicheza kwa mapenzi, hakukuwa na fedha kama sasa, kuna watu wanadai Chama alinipa wakati mgumu.
Huku akicheka Mogella anaendelea: “Yeye mwenyewe alikuwa akinihofia, uwezo wangu uwanjani ulikuwa ukimfanyisha mazoezi ya ziada ili amudu kasi yangu nikiwa Golden Boy wa Simba na Taifa Stars, nilipenda kucheza na Chama timu ya taifa,” anamaliza Mogella.
Aidha Mogella hakuacha kutoa pole kwa Chama na familia yake kwa maradhi yanayomkabili na kumtaka kumtumai Mwenyezi Mungu kipindi chote pamoja na kutaka wachezaji kusaidiana katika shida na raha.
CREDIT: JF
Saturday, January 6, 2018
Ishu Ya Okwi Kugoma Kurejea Kisa Kuwadai Simba,Simba Wafunguka Haya
ISHU YA OKWI KUGOMA KUREJEA KISA KUWADAI SIMBA,SIMBA WAFUNGUKA HAYA
Klabu ya Soka ya Simba ya Jijini Dar es Salaam imekanusha vikali taarifa zinazosambazwa kwenye mitandao ya kijamii na vyombo mbalimbali vya Habari kuwa klabu hiyo imeshindwa kuwalipa fedha za usajili baadhi ya wachezaji wake.
Baadhi ya vyombo vya habari vimewataja wachezaji hao kuwa ni Emmanuel Okwi na Asante kwasi kuwa hawatacheza hadi walipwe fedha zao za usajili, jambo ambalo Simba imesema si la kweli.
Simba imesema taarifa hizo zimejikita kwenye kuharibu taswira ya klabu, na yenye nia ovu kwa timu ya Simba ambayo ipo kwenye mashindano ya kombe la Mapinduzi yanayoendelea huko Zanzibar kwa sasa.
-Simba inapenda kuwaambia wanachama na washabiki wake kuwa, haidaiwi na mchezaji yoyote pesa yoyote si tu ya usajili hata za mishahara,” imesema taarifa hiyo.
Okwi ataonekana hivi karibuni.
-Tupende pia kuwaarifu mchezaji Emmanuel Okwi ataonekana uwanjani hivi karibuni baada ya ruhusa yake ya matibabu kumalizika, huku Kwasi akiendelea kuitumikia klabu kama mlivyoona kwenye mchezo dhidi ya Jamhuri toka kisiwani Pemba,” Ilisema taarifa hiyo iliyoandikwa na Mkuu wa Kitengo cha Habari na Mawasiliano Haji Manara.
Ikumbukwe mlinzi Asante Kwasi alikuwapo kwenye kikosi kilichocheza na Jamhuri ya Zanzibar katika michuano ya Mapinduzi na kufanikiwa kufunga bao la tatu katika ushindi wa mabao 3-1.
Mara Baada Ya JKT Ruvu Kubadili Jina, Masau Bwire Atoa Msimamo Wa Ruvu Shooting Kuhusiana na Swala Hilo…
Afisa habari wa klabu ya Ruvu shooting,Masau Bwire ametoa msimamo wa klabu hiyo baada ya maafande wenzao klabu ya JKT Ruvu kutangaza kubadili jina na kuse.a kuwa wao kwa sasa sio kama jeshi bali ni kampuni.
Bwire amewatoa hofu wapenzi na wanachama wa klabu hiyo kwa kusema kuwa klabu hiyo kwa sasa imebadili utaratibu na kutoka Jeshini hadi kuwa Kampuni na tayari imekwishajilowa.
“Baadadaa ya JKT Ruvu kubadili jina na kutangaza kwamba ndiyo timu teule ya JKT nchi nzima wengi walihofu na kutaka kujua hatima ya timu yao pendwa, timu jeuri, yenye viwango na ubora, Ruvu Shooting.”
“Ruvu Shooting ilitoka zamani Jeshini na kwa sasa ni Kampuni, tayari imesajiliwa kama Kampuni kwa jina la Ruvu Shooting star Camp Ltd.
Taratibu zote zilifuatwa, Kamati ya ukaguzi ya TFF/Bodi ya ligi walipita kukagua na kujiridhisha.”
Taarifa hiyo ya Masau Bwire imetoka mara baada ya uongozi wa klabu ya JKT Ruvu kupitia kwa msemaji wake Constantine kutoa taarifa ya kubadili jina na sasa inaitwa JKT TANZANIA.Taarifa kamili hii hapa…
TAARIFA KWA VYOMBO VYA HABARI
KUBADILI JINA LA TIMU
TIMU YA JKT RUVU INAYOSHIRIKI LIGI DARAJA LA KWANZA KUNDI A MSIMU HUU, TIMU HIYO SASA ITAJULIKANA KWA JINA LA JKT TANZANIA SPORTS CLUB, NA NDIYO TIMU ILIYOPITISHWA KUMILILIKIWA NA JESHI LA KUJENGA TAIFA NA MA MASKANI YAKE YATAENDELEA KUWA MAKAO MAKUU YA JESHI HILO MLALAKUWA KWA WAKATI HUU, MABABADILIKO HAYA YAMEKUJA BAADA BAADA YA KUPATA MAELEKEZO TOKA BODI YA LIGI KWA TAASISI KUMILIKI TIMU MOJA, TARATIBU ZOTE ZIMEFUATWA KATIKA KUTEKELEZA AGIZO HILI, UONGOZI WA JKT RUVU UNATOA SHUKRANI ZA DHATI KWA BODI YA LIGI NA TFF KWA USHIRIKIANO MKUBWA WALIOUTOA KUPITIA MAMLAKA/IDARA ZAKE WAKATI WA MCHAKATO MZIMA KUHUSU SWALA HILI MHIMU KWA USTAWI WA TAIFA LETU KUPITIA MPIRA WA MIGUU, MWENYEKITI WA JKT RUVU LUTENI KANALI HASSAN MABENA ALIKWISHA TOLEA UFAFANUZI WA KINA KUHUSU SWALA HILI KUPITIA BAADHI YA VYOMBO VYA HABARI,
USHIRIKI FDL
TIMU YA JKT TANZANIA S . C IPO KAMBINI NA INAENDELELEA NA MAZOEZI KATIKA UWANJA WA MEJA JENERALI MICHAEL ISAMUHYO -MBWENI JKT, CHINI YA KOCHA MKUU BAKARI SHIME, TAYARI KWA MCHEZO WAKE NA TIMU YA MVUVUMWA FC JANUARY 13.KATIKA UWANJA WA UHURU, MIPANGO NA MALENGO YA KOCHA MKUU BAKARI SHIME NI KUHAKIKISHA TIMU INASHINDA KATIKA MICHEZO YOTE ILIYOBAKI ILI KUTIMIZA MALENGO WALIOJIWEKEA, NA WACHEZAJI WOTE WALIOPO KAMBINI WAPO ARI KUBWA KUELEKEA MCHEZO HUO
AZAM FA CUP
PAMOJA NA USHIRIKI KATIKA LIGI DARAJA KWANZA TIMU PIA INA JUKUMU LA KUWEKA USHINDANI MKUBWA KATIKA MASHINDANO YA AZAM FA CUP, AMBAPO TIMU IMESONGA MBELE NA IMEPANGWA KUCHEZA NA POLISI DAR KATIKA HATUA INAYOFUATA, NDIYO MAANA KOCHA BAKARI SHIME AMEIANDAA TIMU YAKE KWA MASHINDANO YOTE MAWILI MDA WOWOTE, SIKU YOYOTE NA MAHALI POPOTE, PAMOJA NA KUWA NA USHINDANI MKUBWA SHIME AMEKIRI HIYO NI CHANGAMOTO KUBWA KATIKA KULETA MATOKEO CHANYA KWA UPANDE WA TIMU YAKE
HISTORIA YA TIMU
TIMU YA JKT TANZANIA SC, ILINZISHWA MWAKA 1970 KATIKA KAMBI YA JKT MGULANI DAR ES SALAAM, NA ILIJULIKANA KWA JINA LA JKT KABAMBE, MWAKA 1973 TIMU HIYO ILIHAMISHIWA KATIKA KIKOSI CHA RUVU JKT MKOANI PWANI, NA MWAKA 1975,TIMU HIYO ILIBADILISHWA JINA NA KUITWA JKT RUVU NA MWAKA 1999 TIMU YA JKT RUVU ILIHAMISHIWA MAKAO MAKUU YA JESHI LA KUJENGA TAIFA MLALAKUWA JIJINI DAR ES SALAAM, DESEMBA 12,2017,TIMU HIYO ILIBADILISHWA JINA NA KUITWA JKT TANZANIA SC NA TARATIBU ZA KUPELEKA TAARIFA ZA MAANDISHI ZILIANZA KUTEKELEZWA NA MAFANIKIO MAZURI YAMEPATIKANA KUFUATIA ZOEZI HILI, UONGOZI WA JKT RUVU UNAWATAKA WADAU MBALIMBALI KUYAPOKEA MABADILIKO HAYO YA KISHERIA KWA MIKONO MIWILI
TAARIFA HII IMEANDALIWA NA
AFISA MTEULE DARAJA LA PILI, COSTANTINE MASANJA, AFISA HABARI JKT TANZANIA SC
Kikosi cha Simba Dhidi Ya Azam Fc Leo 06.01.2018
SIMBA SC LINE UP – MAPINDUZI CUP 06.01.2018.
1.Emanuel Mseja- 30
2.Nicholas Gyan – 29
3.Mohamed Hussein- 15
4.Juuko Murshid-06
5.Asante Kwasi- 16
6.Jonas Mkude – 20
7.James Kotei- 03
8.Yassin Mzamiru -19
9.John Bocco – 22
10.Said Hamisi – 13
11.Shiza Kichuya-25
SUBS.
1. Ally Salim- 31
2.Jamali Mwambeleko- 26
3.Yusufu Mlipili – 05
4. Erasto Nyoni – 18
5.Paul Bukaba-23
6.Mohamed Ibrahim- 04
7.Mwinyi Kazimoto -24
8.Laudit Mavugo -11
9.Moses Kitandu-35
