KUPANGIWA Real Madrid katika hatua ya 16 bora ya Ligi ya Mabingwa Ulaya hakuitishi PSG, kwa mujibu wa kiungo wa wababe hao wa Ligue 1, Pastore.
Pastore raia wa Argentina, alisema bado kikosi chake cha PSG kinaupigia hesabu ubingwa wa michuano hiyo licha ya kuwa watapaswa kwanza kuiondosha Madrid.
Nyota huyo anajua wazi kuwa Madrid wamelichua taji hilo mara tatu kwa kipindi cha miaka minne iliyopita lakini alisema PSG ikiwa na Neymar, Kylian Mbappe na Edinson Cavani, haiwezi kuhofia chochote.
“Tunataka ubingwa wa mashindano haya, Real Madrid ni timu nzuri lakini hata sisi ni timu nzuri pia,” alisema Pastore kuwaambia waandishi wa habari.
Hata hivyo, huenda jeuri ya Pastore ilitokana na ushindi wa mabao 4-2 walioupata PSG dhidi ya Strasbourg, matokeo ambayo yaliwapeleka hatua ya robo fainali ya Kombe la Ligi.
Tupe Maoni Yako
